Смешны дзед

З гліны слоў склаў ты печы ў многіх хатах,
маразоў не баяцца яны лютых.
Музыка явіла табе сыноў на свет,
малака ўсім хапіла, і кожны адзет.

Радуйся, смешны дзед,
на сцяне твой партрэт.
Радуйся, смешны дзед,
за табой доўгі след.

Збожжа нот умела склаў акурат пад ноль,
Новы год сустракаеш як кароль,
пра любоў ужо раскрыў ты сакрэт,
і за стол гукае з бутэлькай цябе сусед.

Радуйся, смешны дзед,
на сцяне твой партрэт.
Радуйся, смешны дзед,
за табой доўгі след.

Радуйся, ты паспеў,
змрочны цень адалеў.
Радуйся, не тужы,
пагранцы на мяжы.